Një grua 55-vjeçare, Teresa Spanò, mësuese e shkollës fillore, u gjet e vdekur në banesën e saj në Bagheria, në provincën e Palermos. Vajza 17-vjeçare, pas një marrje të gjatë në pyetje, u caktua në paraburgim me akuzën e vrasjes me dashje. E reja ka rrëfyer se e ka mbytur mamanë e saj. Prej kohësh, zënkat mes të dyve kishin qenë në rend të ditës.
Vrasje pas një sherri
Vrasja do të ishte epilogu tragjik i një sherri që shpërtheu mes nënës dhe vajzës në orën tre të natës mes të dielës dhe të hënës. Ka qenë 17-vjeçarja që ka ngritur alarmin paraditen e së hënës rreth orës 8.
Vajza rrëzohet në marrje në pyetje
Gruaja jepte mësim në një shkollë fillore në provincën e Palermos. Duket se vajza në fillim u tha shpëtimtarëve se gruaja ishte vetëvrarë. Por më pas gjatë marrjes në pyetje, ajo u dallua teksa po përpiqej të rindërtonte atë që ndodhi përballë prokurores së të miturve të Palermos, Claudia Caramanna.